AIVS Asociación nace ca fin de poder canalizar os esforzos e traballo realizados por unha serie de particulares ós que nos unen inquedanzas, desexos e fortalezas, que teñen como nexo común a loita e defensa do colectivo LGBTIQ+ .

Dende hai varios anos, de xeito privado, vimos desenvolvendo unha serie de eventos, talleres e formacións que a partir de agora esperamos poder seguir realizando a través de AIVS de xeito oficial e máis controlado.

Algunha desas pequenas vitorias ou logros levados a cabo de xeito privado son a celebración anual do Atardecer Solidario ou acadar que o Concello de Santiago declare o Barrio de San Pedro como o primeiro(e único) barrio GayFriendly de Galicia, formacións de cociña sostible, axudas a diferentes organizacións que pelexan en prol do noso coletivo, etc

Coa creación neste 2024 de AIVS o que pretendemos é unificar eses esforzos privados a través da asociación para poder ter un proceso máis profesional, transparente e produtivo xa que contamos cun número de identificación fiscal que nos permite ter conta para rexistro de todo o comercio electrónico, acceso a proxetos públicos que axuden no noso labor…

O Atardecer Solidario de este 2024 vai a ser o primeiro que se xestione a través de AIVS que se encargará da recadación e custodia dos beneficios para que sexan invertidos o longo do ano en proxectos colaborativos con diferentes asociacións e organismos para que a nosa labor non quede centrado nunha soa destas agrupacións como ten acontecido en anos previos. Por suposto, iremos facéndovos partícipes do noso traballo a través das redes e páxina web.